नयाँ दिल्लीस्थित भारतीय संसद भवन परिसरमा आज दिउँसो भीषण आगलागी भएको छ । आगो फैलिएपछि संसद भवन रहेको क्षेत्रको आकाशमा बाक्लो धुवाँ फैलिएको छ ।
 आगो लागेपछि संसद भवन क्षेत्रको पूरै इलाकालार्इ खाली गरिएको भारतीय सञ्चारमाध्यमले जनाएका छन् । संसद भवन क्षेत्रको आकाशमा बाक्लो धुवाँ फैलिएकाले आगो भीषण रहेको अनुमान गरिएको छ । आगो फैलिएपछि घटनास्थलमा ५ वटा अग्निनियन्त्रक गाडी समेत पुगिसकेका छन् ।
 भारतीय सञ्चार माध्यमहरुका अनुसार आगो एसी प्लान्ट राखिएको स्थनाबाट फैलिएको हो । आइतबार भएकाले संसद भवन भित्र थोरैमात्र मानिस रहेको अनुमान गरिएको छ । आगलागीबाट भएको क्षतिको विस्तृत विवरण आइसकेको छैन ।

भक्तपुर । अनन्तलिंगेश्वर नगरपालिका वडा नं १ बालकोटका जीतबहादुर खड्काको कपास र लुगा पेल्ने कारखानामा हिजो साँझ आगलागी भएको छ। आग लागि बाट करिब ३५ लाख बराबरको क्षति भएको प्रारम्भीक अनुमान गरिएको छ ।
हिजामेराति ८ः४५ बजेदेखि अचानक आगलागी सुरु भएको थियो । भक्तपुर नगरपालिका, ललितपुर उपमहानगरपालिका र काठमाडौँ महानगरपालिकाबाट तीनवटा दमकलले प्रयास गर्दापनि आगो नियन्त्रणमा आउन सकेको थिएन।
सडकको छेउमै रहेको कारखानामा आगलागी भएकाले बस्तीमा आगो फैलन नदिन स्थानीय बासिन्दा, नेपाली सेना, सशस्त्र प्रहरी र नेपाल प्रहरीले प्रयास गरेका थिए । राति अबेर मात्र आगो नियन्त्रणमा आएको थियो ।

काठमाडौँ - राष्ट्रिय ध्वजावाहक नेपाल वायुसेवा निगमले आइतबार अन्तर्राष्ट्रिय उडानका लागि नयाँ जहाज प्राप्त गर्ने भएको छ । निगमले अन्तर्राष्ट्रिय उडानका लागि फ्रान्सेली जहाज निर्माता कम्पनी एयरबससँग खरिद गरेको ए ३२०-२०० सिरिजको जहाज आइतबार त्रिभुवन अन्तर्राष्ट्रिय विमानस्थलमा अवतरण गर्ने जनाएको छ।

जहाजको स्वागतका लागि विमानस्थलमा विशेष समारोहको आयोजना गरिने भएको छ । आइतबार बिहान ११ बजे जहाज विमानस्थलमा अवतरण हुनेछ । जहाजको स्वागत पञ्चकन्याले गर्ने र पण्डितले स्वस्ती बाचन गर्ने कार्यक्रम तय गरिएको निगमका महाप्रबन्धक मदन खरेलले जानकारी दिनुभयो। यस्तै, संस्कृति पर्यटन तथा नागरिक उड्डयनमन्त्री दीपकचन्द्र अमात्य, यहाँस्थित फ्रान्सेली राजदुतलगायतले पञ्चेबाजा बजाएर जहाजको स्वागत गर्ने तयारी गरिएको छ । निगम र फ्रान्सेली जहाज निर्माता कम्पनी एयरबसबीच दुई जहाज खरिद–बिक्री सम्झौता गत वर्ष सम्पन्न भएको थियो।

निगम व्यवस्थापनले २०७० वैशाख ९ गते दुई जहाज किन्न प्रतिबद्धता रकम (बैना) स्वरुप पाँच लाख अमेरिकी डलर (त्यसबेलाको रु ४ करोड ३५ लाख ) एयरबसलाई पठाएको थियो । त्यसपछि गत जेठ २९ मा निगम र कर्मचारी सञ्चय कोषबीच रु १० अर्ब बराबरको ऋण आदान–प्रदान सम्झौता भएको थियो।

विराटनगर– राप्रपा नेपालका अध्यक्ष कमल थापा गणतन्त्रवादी कित्तामा हाम फालेको आरोप लगाउँदै असन्तुष्ट पक्षधरले पार्टीको सिद्धान्त रक्षा गर्न समानान्तर संगठन संचालन गर्नुपरेको बताएको छ । ‘संवैधानिक राजतन्त्र, हिन्दू राष्ट्र र अखण्ड नेपालसम्वद्ध पार्टीका धरोहर अक्षुण्ण राख्न अब छिट्टै देशब्यापी रुपमा समानान्तर संगठन निर्माण गरिनेछ । केन्द्र, जिल्ला, क्षेत्र र गाउँ तहसम्म गठन हुने समानान्तर सांगठानिक संरचनाले राप्रपा नेपालको मूलधार नीति र सिद्धान्त बोकेर अघि बढ्नेछ,’ राप्रपा नेपाल सुदृढीकरण अभियानका सचिव श्याम तिमिल्सिनाले पूर्वाञ्चलस्तरीय गोष्ठीलाई सम्बोधन गर्दै बताए । ं unnamed (1)संस्थापक नेता पद्मसुन्दर लावतीको नेतृत्वमा रहेको सुदृढीकरण अभियानले राप्रपा नेपाल नेतृत्व बिचलन र पलायनको गलत बाटोमा हिँडेर पार्टीलाई धराशयी बनाउने प्रयासमा रहेको आरोप लगाउँदै आएको छ । यसै अभियानलाई निरन्तरता दिने क्रममा शनिबार विराठनगरमा गोष्ठी आयोजना गरिएको हो । कार्यक्रममा बोल्दै अभियानका केन्द्रीय सदस्य बालकृष्ण नेउपानेले संविधान नबनाउने खेलले सिक्कीमको झल्को दिएको भन्दै, ‘सिक्कीममा पनि यसैगरी राजतन्त्र फालेर, लोकतन्त्रको नारामा संविधान बनाउने भन्दै संविधान नबनाउने खेल चल्दै गर्दा सिक्कीम अन्ततः भारतमा बिलय भएको थियो । त्यसैले नेपालमा राष्ट्रियता रक्षा गर्न कमल थापाले अवसरवाद धरातलमा गिरेर लत्याएको पार्टीका सैद्धान्तिक धरोहर सच्चा राष्ट्रवादीहरुले काँधमा उठाएर हिड्ने अवस्था आइलागेको छ’ भने । प्रश्नावली समितिमा हाम फालेर कमल थापाले आफ्नो सक्कली चरित्र जनतासामु उदांगो पारेको नेता प्रल्हाद शाहले बताए । गणतन्त्रको पक्षसँग मोर्चाबन्दी गर्ने नाममा थापाले संवैधानिक राजतन्त्र सदाका लागि नामेट गर्ने षड्यन्त्रमा लागेको दाबी गरे । युवा नेता सगुनसुन्दर लावतीले राप्रपा नेपालभित्र दुईवटा सैद्धान्तिक धार विद्यमान रहेको बताए । ‘पद्मसुन्दर लावतीले नेतृत्व गरेको संवैधानिक राजतन्त्र र कमल थापाले नेतृत्व गरेको गणतन्त्रको धार पार्टीभित्र कायम छ । यो अवस्था प्रश्नावली समितिको प्रकरणले प्रमाणित गरेको छ । त्यसबाहेक प्रश्नावली समितिमा नाम पठाई सकेको अवस्थामा सो सम्बन्धी मतदान हुँदा तटस्थ बसेर राप्रपा नेपाल नेतृत्वले राजनैतिक बेइमानी ग–यो । यो नैतिक पतनको पराकाष्टा हो । गणतन्त्रमा गइसकेर पूराफर्क गर्नमा भने दुईवटा कारण छन् । एउटा सरकारी गठबन्धनले मन्त्रालय नदिनु, अर्को सुदृढीकरण अभियानबाट दिइएको राजनैतिक दवाब,’ लावतीले भने । कार्यक्रममा दिलबिकास राजभण्डारी, शोभा तिमिल्सिना, बमबहादुर बिश्वकर्मा, डम्बरबहादुर कार्की, लिलाबहादुर तुम्बाहाम्फे, जाकिर हुसैन, नेत्रप्रसाद लावती, धर्मराज नेम्बाङ र प्रजापति कोइरालाले मन्तव्य राखेका थिए ।

काठमाडौं । राज्यको कर छली वल्र्डलिंक सञ्चालन गरि रातारात अर्वपति बनेका दिलिप अग्रवाल र सो समुहमाथि राज्यले तत्कालै छानविन सुरु गर्नुपर्ने बेला भएको छ । राज्यको ढुकुटीमा जाने २ अर्ब भन्दा बढी राजश्व छलि गरी छानविनको घेरामा रहेको वल्र्डलिंक प्रा.लि.माथि आन्तरिक राजश्व कार्यालय र अख्तियार दुरुपयोग अनुसन्धान आयोगले तत्कालै कारबाही सुरु गर्नुपर्ने चर्को आवज उठेको छ । भारतबाट लोटा र धाती लगाएर नेपाल भित्रिएका अग्रवाल परिवारहरूले राज्य र जनता ठगी गरिरह“दा राज्यले कानमा तेल हालेर बस्नु कति जायज हो । भारतीय मुलका नक्कली नेपाली नागरिकता लिएर नेपालमा व्यापारी गरिरहेका वल्र्डलिंकका सिइओ दिलिप अग्रवालको सम्पत्ति र नेपाली नागरिकतामाथि छानविन हुनु जरुरी देखिन्छ । नेपाली जनतालाई अफर र छुटको नाममा ठगी गर्ने र राज्यलाई तिर्नुपर्ने कर नतिर्ने यस्ता आर्थिक अपराधी वल्र्डलिंकको नेतृत्व र दिलिप अग्रवालमाथि छानविन हुनु जरुरी छ । २ वर्ष अगाडि आन्तरिक राजश्व विभागले छापा मारी कारबाहीको लागि तयार गरेको फाइल राज्यले अध्ययन गरि कारबाही सुरु गरिनुपर्दछ । अख्तियार दुरुपयोग अनुसन्धान आयोगमा उजुरी परेकोले अख्तियारले तत्कालै छानविन अगाडि बढाउनुपर्दछ । विदेशबाट समेत सामान आयत गर्दा भन्सार नतिरेको राजनीतिक पहु“चको आधारमा राज्य र नेपाली जनता ठगी गर्ने दिलिप अग्रवाल र सो वल्र्ड लिंकको गु्रपमाथि राज्यले कारबाही सुरु गर्नै पर्दछ । राज्यको सम्पत्ति दुरुपयोग गर्ने र जनता ठग्ने अधिकार कसैलाई छैन ।

काठमाण्डौ । राम्रो कामको थालनी आजै बाट गरौं किनकी साना–साना कामहरुबाट समाजमा ठूला–ठूला परिवर्तनहरु गर्न सकिन्छ भन्ने मान्यताको साथ अघि बढेको न्यूज अभियान अक्षय कोषले असहाय, टुहुरा, गरिब बालबालीकाहरुको शिक्षा र स्वास्थ्यमा काम गरि रहेको छ । यस कोषको फेसबुक पेज तथा यस कोषले गरेका राम्रा कामहरुको प्रसंसा गर्दै समाजसेवी, जलस्रोतका अग्रज तथा बौद्धिक स्रोत परिचालन केन्द्र नेपालका संस्थापक अध्यक्ष पि.पि अधिकारी जीबाट रु २० हजार प्राप्त भएको छ । त्यसैगरी युवा समाजसेवी शन्तोष साप्कोटाबाट रु ५५५ र समाजसेवी, लेखक टंक उप्रेतीबाट रु २२२२ यस कोषलाई हस्तानतरण गर्ने प्रतिबद्धता व्यक्त गर्नु भएको छ ।

बुटवल । एमाओवादी नेता डा.बाबुराम भट्टराईले दोस्रो संविधानसभा पनि विघटनको गम्भीर खतरामा रहेको बताएका छन् । कांगे्रस र एमाले संविधानसभाविरोधी भएको आरोप लगाउँदै उनले यी दुई दलले संविधानसभा अपहरण गरेको बताए । भट्टराई प्रधानमन्त्री भएको बेला पहिलो संविधानसभा नयाँ संविधान नबनाई विघटन भएको थियो । बुटवलमा शनिबार आयोजित पत्रकार सम्मेलनमा भट्टराईले संघीयताको आकार र ढाँचामा कुरो नमिल्दा नयाँ संविधान बन्न नसकेको बताए । ‘संविधानसभा, गणतन्त्र, धर्मनिरपेक्षता र संघीयता एमाओवादीको एजेन्डा हो,’ उनले भने, ‘जसका कारण संविधानसभा बन्यो त्यही शक्तिलाई पाखा लगाएर कुनै पनि हालतमा संविधान बन्दैन । उनले संविधानसभाका अध्यक्ष सुवास नेम्बाङले प्रहरी–प्रशासन प्रयोग गरेर एमाओवादीसहितको परिवर्तनकारी शक्तिलाई संविधानसभाबाट पाखा लगाएको उल्लेख गरे । ‘अग्रगामी संविधान निर्माणको पक्षमा रहेको एमाओवादीलाई’ कांगे्रस, एमालेले प्रहरी प्रशासनको बलमा पाखा लगाएर संविधानसभा खोसेको उल्लेख गर्दै उनले एमाओवादीसहितको ३० दलीय मोर्चा त्यसविरुद्ध सडकमा उत्रेको बताए । कांगे्रस र एमालेले प्रश्नावली निर्माण समिति बनाएर संविधान निर्माणलाई मतदान प्रक्रियामा लगेर गम्भीर गल्ती गरेको उनको भनाइ थियो ।