नेपालीलाई अमेरिका पठाउँदा लाखौँ असुली

काठमाडौं, नेपालमा द्वन्द्वकाल सकिए पनि मानव तस्करहरुले द्वन्द्वकालका नक्कली कागजात बनाएर नेपालीलाई शरणार्थीको रुपमा अमेरिकी जेलमा सड्न बाध्य बनाएका छन् । अमेरिका जाने नेपालीहरुलाई भुटानी शरणार्थी र नेपाली शरणार्थी बनाएर काठमाडौंका कुमार श्रेष्ठले लाखौँ सम्म असुल्ने गरेको श्रोतले जानकारी दिएको छ ।विश्वका विभिन्न मुलुक हुँदै अमेरिकी जेलमा परेपछि कम्तीमा ४ महिनापछि उनीहरु जेलमुक्त हुने र शरणार्थीको कार्ड पाएपछि काम गर्ने गरेका छन् ।

अमेरिकाको जेलमा परेपछि वकिलको माध्यामबाट उनीहरुले छुटकारा पाउने गर्दछन् । गरिबको घरखेत हुने गरी रकम असुलेर अमेरिकी जेलमा सडेका नेपालीहरुको घरपरिवार विचल्लीमा परेका छन भने अमेरिकामा स्पोन्सरले जिम्मा लिएपछि उनीहरु जेलमुक्त हुने र दलाल देखि स्पोन्सरसम्मले मानव तस्करी गरेको रकम बाँडेर खाने गरेका छन् ।

माओवादी युद्धदेखि अहिलेसम्म दलालहरुले यसरी अवैध रुपमा मानव तस्करी गरिरहँदा नेपाल र अमेरिकी सरकारले भने मानव वेचविखन रोक्न कुनै कदम चालेका छैनन् । पिएम समाचारदाता ।